Montana ABŞ-də TikTok-u qadağan edən ilk ştat oldu

ABŞ-nin Montana ştatında Çin mərkəzli “TikTok” tətbiqindən istifadə qadağan edilib. Beləliklə, Montana ölkədə “TikTok”u qadağan edən ilk ştat olub.

Busaat.az xarici mediaya istinadən xəbər verir ki, Çin sosial media platforması “TikTok”un bütün dünyada istifadəçi məlumatlarını Çin hökuməti ilə paylaşa biləcəyi ilə bağlı narahatlıqlar davam edir.

Əyalət qubernatoru Greg Gianforte verdiyi açıqlamada deyib: “Montanada şəxsi məlumatların Çin Kommunist Partiyasından qorumaq üçün “TikTok”u qadağan etdim. Çin Kommunist Partiyası platformadan amerikalılara qarşı casusluq etmək və onların şəxsi məlumatlarını toplamaq üçün istifadə edir”.

“TikTok” sözçüsü Brooke Oberwetter verdiyi açıqlamada qərarı “qanunsuz” adlandırıb: “Montanada və ondan kənarda istifadəçilərimizin hüquqlarını müdafiə etməyə davam edəcəyik. Montanalıları əmin etmək istəyirik ki, onlar “TikTok”dan özlərini ifadə etmək üçün istifadə etməyə davam edə bilərlər”.

Digər tərəfdən, ABŞ prezidenti Co Bayden keçən il “TikTok”un federal qurumlara aid cihazlarda istifadəsini qadağan etmişdi.

Busaat.az