Moskva Brüsseldə Əliyev-Paşinyan görüşünün nəticələrini gözləyir - Rusiya XİN

Moskva Bakı ilə Yerevan arasında sülhə gətirib çıxaracaq istənilən konstruktiv vasitəçiliyi dəstəkləyir.

Busaat.az xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova NEWS.ru-ya bildirib.

O, Avropa İttifaqı Şurasının prezidenti Şarl Mişelin vasitəçiliyi ilə Azərbaycan prezidenti İlham Əliyevin Ermənistanın baş naziri Nikol Paşinyanla iyulun 15-də Brüsseldə keçirilməsi planlaşdırılan görüşünü şərh edərkən deyib: “Brüssel görüşündən hər hansı bir nəticə çıxarmaq hələ tezdir”.

“Biz davamlı sülhə aparan istənilən konstruktiv vasitəçiliyi dəstəkləyirik. Ona görə də görüş bitdikdən sonra hər hansı bir  nəticə haqqında danışmaq olar”, – Zaxarova bildirib.

Busaat.az