Moskva danışıqların yeni raundu üçün hələ Kiyevdən razılıq almayıb

Rusiya danışıqların yeni raundu üçün hələ Ukraynadan razılıq almayıb.

Busaat.az TASS-a istinadla bildirir ki, bu barədə Rusiya prezidentinin mətbuat katibi Dmitri Peskov bəyan edib.

“Biz bazar ertəsi, 2 iyun tarixində İstanbulda ikinci raundun keçirilməsini təklif etmişik. Hələlik mənim bildiyimə görə, cavab verilməyib”, – deyə Kremlin nümayəndəsi qeyd edib.

2 iyunda İstanbulda Ukrayna ilə keçirilməsi nəzərdə tutulan danışıqların ikinci raundu barədə Rusiya xarici işlər naziri Sergey Lavrov məlumat verib. Rusiya Xarici İşlər Nazirliyinin rəhbəri Vladimir Medinskinin rəhbərlik etdiyi nümayəndə heyəti vasitəsilə Ukraynaya böhranın ilkin səbəblərinin aradan qaldırılmasına dair bütün aspektləri əhatə edən Rusiya memorandumu təqdim olunacağını açıqlayıb.

Qeyd edək ki, danışıqların əvvəlki raundu 16 may tarixində baş tutmuşdu.