Moskva Helsinkiyə Rusiya konsulluğuna hücumla bağlı nota verib

Rusiyanın Helsinkidəki səfirliyi Finlandiya ölkənin Aland adalarında Rusiyanın konsulluğuna qarşı vandalizm aktından sonra tədbir görülməsini tələb edib.

Busaat.az xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova bildirib.

O, bildirib ki, mayın 1-də səhər saatlarında bir qrup şəxs konsulluğun ərazisinə partlayıcı səs qurğusu və bəzi digər əşyalar ataraq Rusiya diplomatik missiyasının əməkdaşlarının həyat və sağlamlığı üçün təhlükə törədib.

“Rusiyanın Helsinkidəki səfirliyi günahkarların məsuliyyətə cəlb edilməsi üçün bütün lazımi tədbirlərin görülməsini və Rusiya konsulluğunun əməkdaşlarının və əmlakının  təhlükəsizliyinin təmin edilməsini tələb edib”, – Zaxarova əlavə edib.

Busaat.az