Moskva məhkəməsi Wall Street Journal-ın müxbirinin həbs müddətinin uzadılması barədə qərarı qüvvədə saxlayıb

Moskva Şəhər Məhkəməsi “Wall Street Journal”-ın  Evan Gerşkoviçin həbs müddətinin uzadılması barədə qərarı qüvvədə saxlayıb.

Busaat.az xəbər verir ki, bu barədə “RİA Novosti” məlumat yayıb.

“Lefortovo məhkəməsinin qərarı dəyişdirilmədən saxlanılsın, şikayət təmin edilməyib”, – məhkəmənin qərarında qeyd edilir.

İş materiallarının məxfiliyinə görə məhkəmə qapalı keçirilib. Jurnalistlər yayım zalında yekun qərarla tanış olub, ictimaiyyət iclas zalına buraxılmayıb.

ABŞ-nin Rusiyadakı səfiri Lin Treysi diplomatik missiyanın bir neçə əməkdaşının müşayiəti ilə məhkəmədə iştirak edib.

Qeyd edək ki, mayın sonunda Moskvanın Lefortovo məhkəməsi Qerşkoviçin həbs müddətini avqustun 30-dək uzadıb.

Busaat.az