Bakıda beynəlxalq informasiya təhlükəsizliyinin təmin edilməsi üzrə Rusiya-Azərbaycan idarələrarası məsləhətləşmələr keçirilib.
Busaat.az xəbər verir ki, bu barədə Rusiya Federasiyası Təhlükəsizlik Şurasının aparatının mətbuat xidməti məlumat yayıb .
Məsləhətləşmələr zamanı Rusiya-Azərbaycan hökumətlərarası sazişində nəzərdə tutulan əməkdaşlıq məsələlərinin bütün spektri üzrə əsaslı fikir mübadiləsi aparılıb.
BMT Nizamnaməsinin prinsipləri əsasında informasiya sferasında təhlükələrin qarşısının alınmasına Rusiya və Azərbaycanın yanaşmalarının yaxınlığı təsdiqlənib.
“Məsləhətləşmələrin yekunlarına əsasən, 2023-2025-ci illər üçün beynəlxalq informasiya təhlükəsizliyinin təmin edilməsi sahəsində əməkdaşlığın əsas istiqamətlərinin həyata keçirilməsi planının layihəsi razılaşdırılıb”, – məlumatda bildirilir.
Busaat.az
