Moskvada partlayışlar - PUA-lar hücuma keçdi - FOTO
Rusiya paytaxtı Moskvaya yaxınlaşan bir neçə pilotsuz uçuş aparatı vurulub.
Redaktor.az TASS-a istinadla xəbər verir ki, bu barədə özünün Telegram kanalında Moskva vilayətinin qubernatoru Andrey Vorobyov bildirib.
“Bu səhər Moskva vilayətinin bəzi rayonlarının sakinləri partlayış səslərini eşidiblər – bu, bizim hava hücumundan müdafiə sistemimizdir. Moskvaya yaxınlaşarkən bir neçə pilotsuz təyyarə vurulub”, – Vorobyov yazıb.
O, rayon əhalisindən sakit olmağı xahiş edib. “Bütün təcili yardım xidmətləri işləyir. Biz sizi məlumatlandıracağıq”, – Vorobyov vurğulayıb.
