“Moskvanın 3 gün ərzində qalib gələcəyini ümid etdiyi müharibə 15-ci ayına qədəm qoyur”.
Busaat.az xəbər verir ki, bunu NATO Hərbi Komitəsinin rəhbəri admiral Rob Bauer Belçikanın paytaxtı Brüsseldə keçirilən NATO ölkələrinin Baş Qərargah Rəislərinin toplantısından sonra verdiyi açıqlamada qeyd edib.
Belçikanın paytaxtı Brüsseldə NATO ölkələrinin Baş Qərargah rəislərinin toplantısından sonra NATO Hərbi Komitəsinin sədri admiral Rob Bauer mətbuat konfransı keçirib.
Bauer NATO-nun hərbi planlarını ittifaqa üzv ölkələrin milli hərbi planlamasına inteqrasiya etmək istədiklərini ifadə edərək deyib: “Bu gün alyansa üzv ölkələrin Baş Qərargah rəisləri ilk dəfə NATO və milli səviyyədə hərbi planlaşdırma koordinasiya toplantısı keçirdi. NATO ortaq müdafiə üçün yeni dövrə başlayır. Biz buna hazırıq. Cənab Baş katib Yens Stoltenberqin bu gün səhər dediyi kimi, son on ildə və hətta son bir ildə ittifaqımızın transformasiyası diqqətəlayiq olub. Ancaq təyinat yerinə çatmamışıq. Vilnüsdə biz milli hərbi planları NATO hərbi planları ilə az-çox uyğunlaşdıracağıq. Qüvvələrimizi daha sürətli əməliyyata uyğunlaşdıracağıq. Biz daha çox hərbi qüvvə saxlayacaq və texnikalar istehsal edəcəyik, onları NATO-nun bütün ərazilərində daha fəal edəcəyik”.
Busaat.az
