İsrailin Milli Kəşfiyyat Xidməti “Mossad”ın agentləri məlumat əldə etmək üçün Türkiyə ərazisində əcnəbilərin hərəkətini izləyib.
Busaat.az xəbər verir ki, bu barədə “A Haber” telekanalı məlumat yayıb.
“Türkiyə Milli Kəşfiyyat Təşkilatının (MİT) əks-kəşfiyyat sahə agentləri “Mossad”ın Türkiyədə yaşayan əcnəbilər haqqında məlumat əldə etmək üçün uzaqdan onlayn marşrutlaşdırma üsullarından istifadə etdiyini müəyyən ediblər”, – telekanal bildirib.
Türkiyədə xaricdən olan qrup üzvləri ilə bütün əlaqələrin İspaniya, İngiltərə, Almaniya, İsveç, Malayziya, İndoneziya və Belçikada saxta şəxslərə məxsus yüzlərlə birdəfəlik internet məlumat ötürülməsi xətti vasitəsilə həyata keçirildiyi məlum olub.
MİT həmçinin müəyyən edib ki, “Mossad” kəşfiyyat məlumatları toplamaq üçün İstanbul, Livan və Suriyaya cəlb edilmiş ərəb əsilli casuslar göndərib.
Busaat.az
