Kahramanmaraşın Onikişubat rayonunda sürücülük vəsiqəsi olmayan şəxs, motosikletlə hərəkətdə olarkən polis əməkdaşlarının “dayan” əmrinə tabe olmayaraq qaçmağa cəhd edib.
Busaat.az Türkiyə mediasına istinadən xəbər verir ki, sürücü bu zaman xidmətdə olan polis əməkdaşına çırpılıb.
Hadisə nəticəsində polis əməkdaşı yüngül xəsarət alıb və ilkin tibbi yardımdan sonra xəstəxanaya yerləşdirilib.
Onun vəziyyətinin stabil olduğu bildirilir.
Hadisədən dərhal sonra əraziyə əlavə qüvvələr cəlb olunub və sürücü qısa müddət ərzində saxlanılıb.
Aqil Nuriyev
Busaat.az
