Münaqişə başlayandan bəri ABŞ Kiyevə 66 milyard dollardan çox vəsait ayırıb - “Washington Post”

Ukraynada münaqişə başlayandan bəri ABŞ Kiyevə 66 milyard dollardan çox yardım ayırıb.

Busaat.az xəbər verir ki, bu barədə “Washington Post” məlumat yayıb.

Məlumatda bildirilir ki, Kiyevə hərbi yardım kimi 43 milyard dollardan çox vəsait ayrılıb ki, bu da ümumi məbləğin 65%-ni təşkil edir.

ABŞ silah və avadanlıq üçün 23,5 milyard dollar, digər dəstəklər (təlim, məsləhət, logistika və avadanlıq) üçün 18 milyard dollar, silah və avadanlıqların alınması üçün digər ölkələrə 1,5 milyard dollar qrant və kredit ayırıb.

Vaşinqton Ukrayna büdcəsini dəstəkləmək üçün daha 20,5 milyard dollar, ölkədə və xaricdə məcburi köçkünlərə, qaçqınlara və digər həssas əhali qruplarına dəstək üçün isə 2,6 milyard dollardan çox vəsait ayırıb.

Busaat.az