Muratov Putin və Zelenskini məhbus mübadiləsinə çağırıb

Nobel mükafatı laureatı, “Novaya qazeta”nın baş redaktoru Dmitri Muratov Rusiya ilə Ukrayna arasında məhbusların mübadiləsini təklif edib – söhbət mülki şəxslərdən, o cümlədən siyasi məhbuslardan gedir.

Busaat.az xarici mediaya istinadla xəbər verir ki, Muratovun təklifinə görə, Moskva Ukraynanın istintaq təcridxanalarında və həbsxanalarında olan qondarma “rus dünyası” tərəfdarlarının müqabilində Rusiyada müharibə əleyhinə mövqe tutduqlarına görə məhkum olunmuş ukraynalıları Kiyevə təhvil verə bilər.

Muratov vurğulayıb ki, ən azı 200 Ukrayna vətəndaşı siyasi məhbus adlandırdığı Rusiya islah müəssisələrində saxlanılır. Onun sözlərinə görə, onların yarıdan çoxu Krım tatarlarıdır.