"Müstəmləkəçilərin cinayətlərinin vaxt məhdudiyyəti yoxdur" - Lavrov

Qərb elitalarına hər hansı mənəvi liderlik iddiası həmişəlik qadağan edilib, çünki onların müstəmləkəçi instinktləri heç yerə getməyib.

Busaat.az TASS-a istinadən xəbər verir ki, bu sözləri Rusiya xarici işlər naziri Sergey Lavrov bildirib.

Vahid Rusiya Partiyasının beynəlxalq əməkdaşlıq komissiyasının iclasında Lavrov deyib: “Müstəmləkəçilərin cinayətlərinin vaxt məhdudiyyəti yoxdur və Qərb elitalarını hər hansı mənəvi liderliyə iddia etmək hüququndan həmişəlik məhrum edir. Xüsusilə də müstəmləkəçilik instinktləri aradan qalxmayıb”.

Lavrovun fikrincə, “əsasən inkişaf etməkdə olan ölkələrin əsrlər boyu soyğunçuluğu və istismarı hesabına çiçəklənməyə nail olan” Qərb başqalarının hesabına öz problemlərini həll etməyə və iqtisadiyyatlarını qoruyub saxlamağa ümid edərək qlobal üstünlüyünü qorumağa çalışır.

“Buna görə Qərb beynəlxalq münasibətlərin demokratikləşməsi prosesinə mane olmaqda davam edir və aqressiv şəkildə dünya əksəriyyətinə neokolonial ABŞ mərkəzli nizamı tətbiq edir ki, bu da, özlərinin  tətbiq etdiyi qaydalara əsaslanmalıdır. “Mən nə istəsəm, onu edirəm” prinsipi əsasdır”, – o, əlavə edib.

Busaat.az