Myanma fövqəladə vəziyyətin müddətini artıraraq, ölkədəki sərt hərbi qaydanı daha altı ay uzadıb.
Busaat.az xəbər verir ki, bu barədə Myawady telekanalı məlumat yayıb.
Məlumata görə, fövqəladə vəziyyət rejiminin uzadılması Milli Müdafiə və Təhlükəsizlik Şurasının (MDC) bazar ertəsi keçirilən iclasında qəbul edilib.
Telekanal bildirir ki, iclasda Milli Təhlükəsizlik və Müdafiə Şurasının bütün üzvləri, o cümlədən vitse-prezident Henri Van Tio iştirak edib.
Fövqəladə vəziyyət ilkin olaraq 2021-ci ilin fevralında hərbçilər Aung San Suu Kyi hökumətini devirdikdən sonra elan edilmişdi.
Ölkə konstitusiyasına görə, fövqəladə vəziyyət bir il müddətinə elan edilə bilər və adətən maksimum iki yarım il müddətinə uzadıla bilər.
Buna baxmayaraq, bu ilin yanvarında xuntanın rəhbəri Min Aunq Hlainq rejimə müqaviməti əsas gətirərək, fövqəladə vəziyyəti üçüncü dəfə uzadıb.
Ölkə Konstitusiyasına görə, fövqəladə vəziyyətin ləğvindən sonra altı ay ərzində seçkilər keçirilməlidir.
Qeyd edək ki, 2021-ci ildə Myanmada hakimiyyətin ələ keçirilməsindən sonra ölkədə xunta ilə genişmiqyaslı silahlı müqavimət arasında silahlı qarşıdurmalar gedir.
Busaat.az
