Myanmada hərbi xuntaya qarşı nümayişlərin dağıdılması çərçivəsində ölənlərin sayı 840 nəfərə çatıb.
Busaat.az xəbər verir ki, bu barədə Myanmadakı Siyasi Məhbuslara Yardım Dərnəyi (AAPP) tərəfindən hazırlanan hesabatda deyilir.
Yalnız son 24 saat ərzində etiraz aksiyalarının dağıdılması zamanı üç nəfər öldürülüb. Eyni zamanda, 4409 etirazçı hələ də həbsdədir, 1881 nəfər barəsində isə həbs qərarı çıxarılıb.
Kaçin əyalətində fəaliyyət göstərən Şanlı Xalqlar Ordusu (SNA) komandirinin müavini Sao Hun Kyao sui-qəsdin qurbanı olub. SNA səlahiyyətliləri “The Irrawaddy” qəzetinə açıqlamasında Kyaonun 26 mayda Myanma ordusundan olan snayper tərəfindən öldürüldüyünü bildirib.
Xatırladaq ki, Myanma ordusu fevralın 1-də xarici işlər naziri və dövlət müşaviri Aun San Su Çji və digər yüksək vəzifəli şəxsləri həbs edərək hakimiyyəti ələ keçirdiyini elan edib.
Hazırda ölkədə hakimiyyət Myanma Silahlı Qüvvələrinin Baş Qərargah rəisi Min Aun Xlaynın əlindədir.
