
Myanmada hava hücumu: 53 nəfər ölüb
Myanma ordusunun bir qəsəbəyə endirdiyi hava hücumunda ən azı 53 nəfərin öldüyü iddia edilib.
Busaat.az xəbər verir ki, BBC-nin hücuma məruz qalan kəndin sakinlərinə istinadən verdiyi məlumata görə, Myanmanın Saqainq bölgəsindəki Pa Zi Gyi şəhərinə endirilən hava hücumunda 15-i qadın və çoxlu uşaq olmaqla azı 53 nəfər həlak olub.
Adının açıqlanmasını istəməyən hadisə şahidi hücumun yerli saatla 07:00 radələrində döyüş təyyarələri ilə başladığını, daha sonra ərazinin helikopterlərlə atəşə tutulduğunu bildirib.
Hücumun təxminən 20 dəqiqə davam etdiyini qeyd edən şahid, cəsədlərin parçalandığı üçün ölənlərin dəqiq sayını bilmədiklərini və sayın daha çox ola biləcəyini söyləyib.
Busaat.az























