Naqasakidə yük gəmisi batdı

Yaponiyanın cənub-qərbində, Naqasaki prefekturasının sahillərində 22 nəfərlik heyəti olan yük gəmisi batıb.

Busaat.az Kyodo agentliyinə istinadən xəbər verir ki, Honq-Konq bayrağı altında üzən 6551 tonluq “Jintan” yük gəmisi Naqasaki sahillərində batıb.

Danco adalarından 110 kilometr qərbdə batan gəmidə olan 22 ekipaj üzvündən 4-ü xilas edilib.

Yük gəmisinin ekipajından 14-nün Çin, 8-nin isə Myanma vətəndaşı olduğu bildirilib .

Yaponiya Sahil Mühafizəsi qalan ekipaj üzvlərini xilas etməyə davam edir.

Busaat.az