
NATO-nun baş katibi Stoltenberq BVF-nin rəhbəri ola bilər
NATO-nun baş katibi Yens Stoltenberq Beynəlxalq Valyuta Fondunun (BVF) rəhbəri ola bilər.
Busaat.az xəbər verir ki, bu barədə iddialar dünya mediasında yer alıb.
TV2 telekanalın məlumatına görə, Stoltenberqin yeni vəzifəyə təyinatı onun alyans rəhbəri kimi səlahiyyət müddəti başa çatdıqdan sonra, yəni 2023-cü il oktyabrın 1-dək baş tuta bilər.
Bundan əvvəl Yens Stoltenberq Şimali Atlantika Alyansının rəhbəri kimi mandatını uzatmaq barədə düşünmədiyini bildirib.
Stoltenberqin sözlərinə görə, o, hazırda bütün diqqətini cari vəzifəsinə yönəldib. Lakin 2014-cü il oktyabrın 1-dən NATO-nun baş katibi olan Stoltenberq əmindir ki, alyans ölkələri onun yerinə layiqli əvəzləyici tapa biləcəklər.
Busaat.az























