NATO son iki ildə Şərqi Avropadakı hərbi mövcudluğunu iki dəfə artırıb.
Busaat.az xəbər verir ki, bunu NATO-nun sözçüsü Oana Lunqesku bildirib.
NATO-nun sözçüsü Oana Lunqesku “Washington Post”a gündəmlə bağlı qiymətləndirmələr edib.
Lunqesku bildirib ki, NATO son iki ildə Şərqi Avropadakı hərbi mövcudluğunu iki dəfə artırıb.
“NATO daha dörd ölkədə: Bolqarıstan, Macarıstan, Rumıniya və Slovakiyada döyüş qrupları yaratmaqla özünün şərq cinahını qismən gücləndirib… Hazırda səkkiz döyüş qrupunda 10 minə yaxın hərbçi var. Halbuki 2021-ci ildə dörd qrupda 5 min əsgər var idi”, – Lunqesku deyib.
Lunqesku onu da qeyd edib ki, NATO Şərqi Avropaya onlarla döyüş gəmisi və yüzlərlə döyüş təyyarəsi yerləşdirib.
“Müttəfiqlər dənizdə “Patriot” raketləri və hava hücumundan müdafiə gəmiləri kimi görünməmiş sayda quru hava hücumundan müdafiə elementlərini yerləşdiriblər”, – Lungesku bildirib.
Busaat.az
