Şimali Atlantika Alyansı “Şimal axını” boru kəmərlərini kimin partlatmasından xəbərsizdir.
Busaat.az xəbər verir ki, bunu NATO-nun baş katibi Yens Stoltenberq bildirib.
“Bizim bildiyimiz odur ki, “Şimal axını” boru kəmərlərinə qarşı hücum olub, lakin biz bunun arxasında kimin olduğunu müəyyən edə bilməmişik”, – Stoltenberq Stokholmda Avropa İttifaqının müdafiə nazirləri ilə görüşdən əvvəl deyib.
O, kritik dənizaltı infrastrukturunun qorunmasının vacibliyini vurğulayıb.
Qeyd edək ki, Stoltenberq “New York Times” və “Die Zeit” qəzetlərində boru kəmərlərinin təxribatının arxasında ukraynayönlü qrupun ola biləcəyi ilə bağlı son xəbərlərdən sonra şərh verib.
