NATO Ukraynaya silah göndərməyi dayandırsa, müharibə bir neçə gün ərzində başa çatacaq – Medvedev

ABŞ və onun vassalları Ukraynaya silah göndərməyi dayandırsalar, xüsusi hərbi əməliyyat bir neçə günə başa çatacaq.

Busaat.az xəbər verir ki, bunu Rusiya Təhlükəsizlik Şurasının sədr müavini Dmitri Medvedev  TASS-a bildirib.

“NATO-da, ilk növbədə ABŞ və onun vassalları Ukraynaya silah və sursat göndərilməsini dayandırsalar, xüsusi hərbi əməliyyat bir neçə aydan sonra başa çatacaq və əgər onlar silahlarının göndərilməsini indi dayandırsalar, xüsusi əməliyyat bir neçə günə başa çatacaq”, – Medvedev deyib.

“Əslində istənilən müharibə, hətta dünya müharibəsi belə, çox sürətlə dayana bilər”, – o, qeyd edib.

Medvedev vurğulayıb ki, Rusiya ordusu “hər bir ordu kimi müəyyən problemlər yaşasa da” “müasir və qəhrəmandır”.

Busaat.az