Nazir cangüdəni tərəfindən öldürüldü - FOTO

Uqandanın Əmək, Məşğulluq və Sənaye Məsələləri üzrə Dövlət Naziri Çarlz Okello Engola paytaxt Kampaladakı iqamətgahında mühafizəçisi tərəfindən güllələnib.

Busaat.az-ın Uqanda mediasına istinadən məlumatına görə, nazir Çarlz Okello Engola evindən işə gedərkən mühafizəçilərindən biri tərəfindən güllələnib.

Parlamentin spikeri xanım Anita Among plenar iclasa sədrlik edərkən nazirin ölümünü təsdiqləyib.

Among deyib: “Bu səhər kədərli xəbər aldım. Cənab Engola mühafizəçisi tərəfindən vuruldu, sonra isə mühafizəçi özünü də vurub. Ruhu şad olsun. Bu, Allahın planı idi. Biz heç nəyi dəyişə bilmərik”.

“Mühafizəçi ona maaş verilmədiyini, hamilə xanımının olduğunu və uşaqlarının məktəbə getmədiyini, ancaq nazirin uşaqlarının məktəbə getdiyini söylədi”, – deyə hadisə şahidi Uqanda mediasına bildirib.

Engola Uqanda Xalq Müdafiə Qüvvələrinin (UPDF) istefada olan polkovnikidir. 2007-ci ildə ordudan təqaüdə çıxıb.

Hazırkı vəzifəsinə qədər o, ilk olaraq müdafiə naziri vəzifəsində çalışıb.

Busaat.az