“İsveç Türkiyənin 28 sorğusundan heç birini təmin etməyib”.
Busaat.az “A Haber”ə istinadən xəbər verir ki, bunu Türkiyənin ədliyyə naziri Yılmaz Tunç televiziya kanalına müsahibəsində bildirib.
Onun sözlərinə görə, İsveç hökumətinə terror təşkilatı ilə əlaqədə olanların təhvil verilməsi ilə bağlı 28 sorğu göndəriblər: “Onlardan 22-nə imtina cavab gəlib. 9 sorğu PKK terrorçu qruplaşması, 8-i FETÖ, 5-i isə başqa təşkilatlarla bağlı idi. 3 sorğuya isə ölüm və ya ona oxşar səbəbdən imtina cavabı verilib. 3-ü isə cavabını gözləyir. İsveç məhkəməsi artıq həmin sorğulara da imtina cavabı verib”.
Nazir qeyd edib ki, İsveçin NATO-ya üzvlüyü ilə bağlı qərar Türkiyə Böyük Millət Məclisində təsdiqlənməlidir: “Parlament bu məqamları da nəzərə alacaq”.
