Busaat.az xəbər verir ki, Ağ Evin mətbuat xidmətindən verilən məlumata görə, Bayden ilə Netanyahu arasında baş tutan telefon danışığı ilə bağlı yazılı açıqlama yayınlanıb. Açıqlamada “İki dövlət başçısı ötən il prezident tərəfindən açıqlanan və Birləşmiş Millətlər Təşkilatının Təhlükəsizlik Şurası tərəfindən yekdilliklə təsdiq edilən 27 may 2024-cü il tarixli razılaşmaya əsaslanan atəşkəs və girovların azad olunması üzrə Qətərin paytaxtı Dohada davam edən danışıqları müzakirə ediblər” ifadəsi işlədilib.
Telefon danışığı zamanı “Livanla atəşkəs razılaşması, Suriyada Bəşər Əsəd rejiminin süqutu və İranın bölgədəki gücünün zəifləməsi kimi bölgədə baş verən köklü dəyişikliklər” müzakirə edilib. Baydenin Qəzzada humanitar yardımın artırılması ilə birlikdə atəşkəsin və girovların geri qaytarılmasının təcili ehtiyac olduğunu vurğuladığı bildirilib. Netanyahunun isə Baydenə İsrailə ömür boyu verdiyi dəstəyə, ABŞ-ın İsrailin təhlükəsizliyi və milli müdafiəsi üçün göstərdiyi qeyri-adi töhfəyə görə təşəkkür etdiyi qeyd olunub.
Bayden 9 yanvarda etdiyi açıqlamada Qəzza ilə bağlı razılaşma istiqamətində irəliləyiş əldə edildiyini bildirmişdi. Administrasiya 20 yanvarda vəzifəni yeni prezident Donald Trampa təhvil verməzdən əvvəl vasitəçi ölkələr Qətər və Misirlə Dohada davam edən Qəzzada atəşkəs danışıqlarını nəticələndirməyə çalışır.
