Nigeriyada bina uçub: 2 ölü, 37 yaralı var
Nigeriyanın paytaxtı Abucada iki mərtəbəli binanın uçması nəticəsində 2 nəfər ölüb, 37 nəfər yaralanıb.
Busaat.az xəbər verir ki,bu barədə Nigeriya Milli Fövqəladə Halların İdarə Olunması Agentliyi məlumat yayıb.
Agentliyin sözçüsü Nkeçi İsanın sözlərinə görə, dağıntılar altında qalan 2 nəfərin cəsədi tapılıb.
Məlumatda yaralılardan bəzilərinin vəziyyətinin ağır olduğu qeyd olunub. Səlahiyyətlilər ölənlərin sayının artması ilə bağlı narahat olduqlarını bildiriblər.
Binanın çökməsinin səbəbləri araşdırırlır. Hadisə yerində axtarış-xilasetmə işləri davam edir.
Bu arada, dağıntılar altında neçə nəfərin qaldığı hələ ki, məlum deyil.
