Nigeriyada qayığın batması nəticəsində 6 nəfər ölüb
Nigeriyanın Niger əyalətində sərnişinləri daşıyan qayığın çevrilməsi nəticəsində 6 nəfər həyatını itirib.
Busaat.az xəbər verir ki, bu barədə ölkə mətbuatı məlumat yayıb.
Bildirilib ki, Nigerin Zamare kəndində sərnişin daşıyan qayıq həddindən artıq yüklənmə səbəbindən çayda batıb.
İlkin məlumata görə, hadisə nəticəsində 6 nəfər həyatını itirib, bir çoxu isə itkin düşüb.
Qayıqda neçə nəfərin olduğu hələ məlum olmasa da, səlahiyyətlilər axtarışların digər sərnişinləri tapmaq üçün davam etdiyini bildirib.
Ölənlərin sayının artacağından ehtiyat edilir.
Qeyd edək ki, Nigeriyada yağışlı mövsümdə çaylarda qayıq qəzaları tez-tez baş verir.
