Nigeriyada silahlı hücum: 22 ölü - FOTO

Nigeriyanın Katsina əyalətində silahlı şəxslərin hücumu nəticəsində 22 nəfərin öldüyü bildirilib.

Busaat.az xəbər verir ki, ölkənin milli KİV-in məlumatına görə, Katsina əyalətinin Kankara bölgəsində motosikletli silahlı şəxslər insanlara hücum ediblər. Hücum zamanı 22 nəfər həyatını itirib, çoxlu sayda insan yaralanıb.

Katsina polisinin sözçüsü Qambo İsa hücumları təsdiqləsə də, ölənlərin sayı barədə məlumat verməyib.

İsa hadisə yerinə təhlükəsizlik qüvvələrinin göndərildiyini və hadisə ilə bağlı araşdırma aparıldığını bildirib.

Son zamanlar ölkədə silahlı şəxslərin hücumları səbəbindən bəzi ştatlarda motosikletdən istifadə qadağan edilib.