Nikol Paşinyan Moskvada işgüzar səfərdədir

Ermənistanın Baş naziri Nikol Paşinyan bu gün Rusiya prezidenti Vladimir Putinin dəvəti ilə Moskvaya işgüzar səfərə gedəcək.

Busaat.az xəbər verir ki, bu barədə Ermənistan hökumətinin mətbuat xidməti məlumat yayıb.

Paşinyan mayın 9-da keçiriləcək Böyük Vətən Müharibəsində Qələbə ilə bağlı keçirilən tədbirlərdə iştirak edəcək.

Ermənistan hökumətinin başçısı sonuncu dəfə ötən ilin dekabrın sonunda MDB-nin qeyri-rəsmi sammiti çərçivəsində Rusiyaya səfər edib.

Qeyd edək ki, mətbuatda yayılan xəbərlərə görə, Paşinyan Moskvaya səfərindən sonra – mayın 14-də Brüsselə gedəcək və orada Azərbaycan prezidenti İlham Əliyevlə görüşəcək.

Busaat.az