Norveç Xarici İşlər Nazirliyi ölkənin “Şimal axını” boru kəmərinin zədələnməsində iştirakı ilə bağlı iddiaları cəfəngiyyat adlandırıb.
Busaat.az-ın xarici KİV-ə istinadən məlumatına görə, Norveç XİN-dən bir rəsmi bildirib ki, ittihamlar cəfəngiyyatdır.
Bundan əvvəl BMT baş katibinin nümayəndəsinin müavini Fərhan Haq bildirmişdi ki, təşkilat ABŞ-li jurnalist Seymur Herşin ABŞ-ın “Şimal axını” və “Şimal axını 2” boru kəmərlərinin zədələnməsinə görə məsuliyyət daşıyıb-daşımaması ilə bağlı araşdırmasını dəqiqləşdirə bilməz.
Daha sonra Pentaqonun sözçüsü bəyan edib ki, ABŞ-ın “Şimal axını 1” və “Şimal axını 2” boru kəmərlərinin zədələnməsi ilə heç bir əlaqəsi yoxdur.
Qeyd edək ki, ABŞ-li jurnalist Seymur Herş “Şimal axını 1” və “Şimal axını 2” boru kəmərlərinin təxribatı ilə bağlı apardığı araşdırmanın nəticələrini dərc edib və o, xüsusilə ABŞ-ı təxribat üçün sualtı dalğıclardan istifadə etməkdə ittiham edib. Jurnalistin sözlərinə görə, əməliyyat 9 ay hazırlanıb.
