Norveçdə 135 metrlik yük gəmisi səhər saatlarında Trondheim yaxınlığında quruya çıxaraq bir evin qarşısında dayanıb.
Busaat.az xəbər verir ki, Byneset bölgəsində yaşayan Yohan Helberq qonşusunun qapını döyməsi ilə hadisədən xəbər tutub. Gəmini pəncərədən görəndə şoka düşən Helberq “Sürreal görüntü idi” deyib.
Qonşular da hadisəyə təəccüblə yanaşıb, gəminin “evin qarşısında dağ kimi ucaldığını” bildiriblər.
Kipr bayrağı altında üzən “NCL Salten” gəmisində 16 ekipaj üzvü olub, xəsarət alan olmayıb. Hadisənin səbəbi bilinmir, araşdırma başlayıb. Məlumata görə, bu gəmi 2023-cü ildə də quruya çıxmışdı.
Nərmin Səmidova
