Türkiyə prezidenti Rəcəb Tayyib Ərdoğan yaxın vaxtlarda Soçidə rusiyalı həmkarı Vladimir Putinlə taxıl sazişini müzakirə etməyi planlaşdırır.
Busaat.az TASS-a istinadən xəbər verir ki, bu barədə Türkiyənin hakim Ədalət və İnkişaf Partiyasının (AKP) mətbuat katibi Ömər Çelik Ankarada mətbuat konfransında deyib.
“Prezidentimiz dünyada ərzaq böhranının qarşısını almaq üçün diplomatik işlər görüb. Bildiyiniz kimi, yaxın vaxtlarda cənab prezidentimiz rusiyalı həmkarı Putinlə danışıqlar üçün Soçiyə gedəcək. Ümid edirik ki, bu görüşdən sonra ətrafdakı vəziyyət daha da yaxşılaşacaq. Taxıl sövdələşməsi inkişaf edəcək”, – deyə Çelik bildirib.
“Daily Sabah” qəzetinin yazdığına görə, Ərdoğan və Putin arasında Soçidə gözlənilən danışıqlar Rusiya Federasiyasının taxıl müqaviləsinə qaytarılmasında irəliləyişdən xəbər verə bilər.
Bloomberg daha əvvəl mənbələrə istinadən xəbər vermişdi ki, Ərdoğan sentyabrın 8-də Rusiyada Putinlə danışıqlara gedəcək.
