BƏƏ, Oman, Küveyt, İraq və Əlcəzair digər OPEC+ ölkələri ilə koordinasiya əsasında 2023-cü ilin may ayından ilin sonuna kimi neft hasilatını azaldacaq.
Busaat.az BƏƏ dövlət agentliyi WAM-a istinadən xəbər verir ki, BƏƏ-nin energetika və infrastruktur naziri Suhail Əl Mazrui ölkənin neft hasilatını 144 min barel azaldacaqlarını bəyan edib.
Omanın Energetika Nazirliyi gündəlik hasilatı 40 min barel, Küveyt isə gündəlik hasilatı 128 min barel azaldacağını bildirib.
Əlcəzairin Neft Nazirliyi hasilatı 48 min barel, nəhayət, İraq Neft Nazirliyi neft hasilatını 211 min barel azaltmaq qərarına gəlib.
Səudiyyənin dövlət agentliyi SPA daha əvvəl Səudiyyə Ərəbistanının gündəlik neft hasilatını 500 min barel azaldacağını bildirmişdi.
Busaat.az
