ABŞ-ın keçmiş prezidenti Donald Tramp 2024-cü il prezident seçkilərində qalib gələrək Ağ Evə qayıtması ilə Ukraynadakı münaqişəyə son qoyula bilər.
Busaat.az xəbər verir ki, bu barədə Macarıstanın baş naziri Viktor Orban ABŞ jurnalisti Taker Karlsona müsahibəsində bildirib.
Orbanın fikrincə, Tramp Co Baydenin yerində olsaydı, Ukraynadakı münaqişənin sonu sülhlə bitəcəkdi.
“Trampı geri çağırın, yeganə çıxış yolu budur. Siz onu bir çox səbəblərə görə tənqid edə bilərsiniz, lakin son bir neçə onilliyin ən yaxşı xarici siyasəti ona məxsus olub”, – Orban söyləyib.
O, xatırladıb ki, Tramp Çin, Şimali Koreya və Rusiya ilə təmasları davam etdirib, İsrailin ərəb ölkələri tərəfindən tanınmasında irəliləyişə nail olub və hakimiyyətdə olduğu 4 il ərzində bir dənə də olsun silahlı münaqişəyə başlamayıb.
“Tramp Qərb dünyasını və yəqin ki, dünyadakı insanları da xilas edə biləcək adamdır. Bu, mənim şəxsi qənaətimdir”, – Macarıstanın baş naziri deyib.
Qeyd edək ki, Karlsonun Orbanla müsahibəsi ən yüksək reytinqli amerikalı ekspertin X sosial şəbəkəsində (keçmiş Twitter) səhifəsində dərc olunub.
