Ordu polis bölməsinə basqın etdi
Afrikanın Qvineya Bisau ölkəsində Milli Qvardiya polis bölməsinə basqın edib. Korrupsiya ittihamı ilə saxlanılan maliyyə naziri Souleiman Seidi və xəzinə naziri Antonio Monteyronu azad edib.
Busaat.az hərbi mənbələrdən verilən açıqlamaya görə milli qvardiya basqından sonra Bissaunun cənubundakı hərbi obyektlərə sığınıb.
Ölkədə korrupsiya ilə mübarizə çərçivəsində aparılan istintaq çərçivəsində 11 şirkətdə yoxlama aparılıb. Yoxlama əsnasında dünən qanunsuz ödənişlərə görə nazirlər saxlanılmışdı.
Təxminən 2 milyon əhalisi olan Qvineya Bisau 1974-cü ildə müstəqillik qazanıb. Ən azı 10 dövlət çevrilişinin baş verdiyi ölkədə demokratik yolla seçilmiş yalnız bir dövlət başçısı səlahiyyət müddətini başa vurub.
