Ordumuzu inkişaf etdirmək üçün bütün resurslarımızdan istifadə edəcəyik – Putin

Ukrayna prezidenti Zelenskinin bu gün Ağ Evdə ABŞ prezidenti Co Baydenlə görüşü gözlənilərkən, Rusiya prezidenti Vladimir Putin diqqətçəkən açıqlamalar verib.

Busaat.az xəbər verir ki, Rusiya prezidenti Vladimir Putin Ukraynada təxminən 10 aydır davam edən müharibə ilə bağlı komandirlərlə keçirdiyi görüşdə NATO-nun demək olar ki, bütün imkanlarından Ukraynaya Rusiyaya qarşı dəstək vermək üçün istifadə edildiyini bildirib.

“Rusiya ordusunun potensialını inkişaf etdirmək üçün bütün resurslarımızdan istifadə edəcəyik” – deyə, Putin qeyd edib.
Rusiya ordusunun Suriyadakı müharibə təcrübəsinə toxunan Putin, “Bu hərbi təcrübədən istifadə edilməlidir. Biz nüvə qüvvələrinin hazırlığını təkmilləşdirməyə davam edəcəyik. Biz strateji qüvvələrimizi müasir silahlarla təchiz edəcəyik. Ukraynada bütün planlarımızı həyata keçirəcəyik” – deyə, əlavə edib.

İclasda açıqlama verən Rusiya müdafiə naziri Sergey Şoyqu da sentyabr ayında elan edilən qismən səfərbərlik zamanı bəzi çətinliklərlə üzləşdiklərini bildirib. Qərbin müharibəni uzatmaq üçün əlindən gələni etdiyini və Ukraynaya külli miqdarda maddi yardım edildiyini qeyd edən Şoyqu deyib: “Ancaq biz Ukraynanın hərbi potensialını məhv edirik”.

Busaat.az