Norveçin paytaxtı Osloda Kral Sarayında Norveç Kralı V Haraldın verdiyi ziyafətdə NATO xarici işlər nazirləri qeyri-rəsmi görüş keçirib.
Busaat.az xarici mediaya istinadən xəbər verir ki, NATO Xarici İşlər Nazirləri iyulun 11-12-də Litvanın paytaxtı Vilnüsdə keçiriləcək NATO Sammitini müzakirə etmək üçün Norveçin paytaxtı Osloda bir araya gəlib.
Sabah NATO-nun baş katibi Yens Stoltenberqin çıxışı ilə başlayacaq 2 günlük iclasdan əvvəl xarici işlər nazirləri Norveç Kralı V Haraldın Kral Sarayında verdiyi ziyafətdə qeyri-rəsmi görüş keçirib.
Nazirlər daha sonra Akershus qəsrində Norveçin xarici işlər naziri Anne Beathe Tvinnereimin verdiyi şam yeməyində yenidən görüşüblər.
İclasın əsas gündəminin Rusiya-Ukrayna müharibəsi və Kosovo-Serbiya gərginliyi olacağı gözlənilir.
Busaat.az
