Türkiyənin məşhur sənətçisi Özcan Deniz ailədaxili qalmaqalla yenidən gündəmə gəlib. Qardaşı Ercan Deniz, onun həyat yoldaşı Samar Dadgara qarşı təhqiramiz ifadələr işlətdiyi və mübahisə yaratdığı üçün hüquqi cavab ilə üzləşib.
Busaat.az-ın “Haber Global”a istinadla verdiyi məlumata görə, qalmaqal “Dəniz Film” şirkətinə məxsus yaşayış kompleksində başlayıb. Ercan Deniz boş olan iki mənzili kirayəyə vermək istəyəndə, kompleksdə yaşayan Samar Dadgarın etirazı ilə qarşılaşıb. Gərginlik daha sonra ailədaxili mübahisəyə çevrilib.
Özcan Dəniz hadisəyə əsəbiləşib və baş verənlərə sərt reaksiya verib:
“35 il məni istismar etdin, qanunsuz əməllərini mənim üzərimə atmağa çalışdın. Özünü rüsvay etdin! Bir daha mən evdə olmayanda arvadımı narahat etsən, bunun əvəzini ağır ödəyəcəksən. Sənin kimi yaramazı illərlə müdafiə elədim, qoynumda ilan bəslədim. Xanımıma etdiyin söyüşləri sənə yedirərəm. Əxlaqsız, bu qadın sənin qardaşının həyat yoldaşıdır! Sən nə qanun, nə vicdan tanıyırsan! Saxta imzalarla şirkəti və bütün qazanclarımı mənimsədin”.
Hadisədən sonra Ercan Deniz prokurorluğa müraciət etsə də, Özcan Deniz də öz növbəsində həyat yoldaşına qarşı təhqirlərə görə qorunma tələb edib.
Məhkəmə bu tələbi haqlı sayaraq qərar verib: Ercan Dəniz iki ay müddətində nə Özcan Denizə, nə də Samar Dadgara yaxınlaşa bilər, həmçinin onları təhqir də edə bilməz.
