Pakistan və Əfqanıstan sərhəddində toqquşma

Pakistan və Əfqanıstanın sərhəd qoşunları naməlum səbəbdən bir-birinə atəş açıb. Hadisə nəticəsində ölənlərin və ya yaralananların olub-olmadığı hələlik məlum deyil.

Busaat.az xəbər verir ki, hadisə Talibanın müvəqqəti hökumətinin dünən birtərəfli qaydada sərhəd keçidini bağlamasından sonra baş verib.

Taliban müvəqqəti hökumətinin rəsmisi Pakistanın öhdəliklərinə əməl etmədiyi səbəbiylə sərhəd keçidini bağladıqlarını bildirib.

Bundan öncə 2022-ci il 11 və 15 dekabr tarixlərində Çaman-Spin Boldak Sərhəd Qapısında 5 gün fərqlə qanlı toqquşmalar qeydə alınmışdı.

Baş verən toqquşmalar zamanı azı 8 nəfər ölüb, 40 nəfər yaralanıb.

Qeyd edək ki, Pakistan-Əfqanıstan sərhədi 2670 kilometrdən ibarətdir və iki ölkə arasında 18 sərhəd keçid məntəqəsi var.

Busaat.az