Pakistanın Hayber Paxtunxva əyalətində baş verən qarşıdurmada 3 əsgər həyatını itirib, 3 silahlı isə zərərsizləşdirilib.
Busaat.az xəbər verir ki, Pakistan ordusundan verilən açıqlamaya görə, Dera İsmayıl Xan bölgəsində silahlılarla təhlükəsizlik qüvvələri arasında qarşıdurma baş verib.
Pakistan hərbçiləri silahlıların hansı təşkilata mənsub olduğu barədə məlumat paylaşmayıb.
Son aylar Pakistanda, xüsusən də Hayber Paxtunxva və Bəlucistan əyalətlərində terror hücumları artıb.
İslamabad bildirir ki, bu hücumlar Əfqanıstanda yerləşən Pakistan Talibanı (TTP) tərəfindən planlaşdırılır və idarə olunur. Əfqanıstan bu iddiaları rədd edir.
Yanvarın 30-da Pakistanın Peşəvər şəhərində günorta namazı zamanı məscidə intihar hücumu nəticəsində əksəriyyəti polis olmaqla 102 nəfər həlak olub.
Martın 6-da Bəlucistanda intihar hücumu nəticəsində isə 10 polis əməkdaşı həlak olub.
