Pakistanda etirazlar fonunda internet KƏSİLİB

Pakistanda kütləvi etirazlar fonunda internet qeyri-müəyyən müddətə bağlanıb. 

Busaat.az xarici mətbuata istinadən xəbər verir ki, bu barədə ölkənin Telekommunikasiya Administrasiyasının departamenti məlumat yayıb.

“Pakistanın Telekommunikasiya İdarəsi bildirib ki, ölkə üzrə internet xidmətləri qeyri-müəyyən müddətə dayandırılacaq. Agentlik mobil genişzolaqlı xidmətlərin bloklanması qərarının Daxili İşlər Nazirliyinin əmri ilə qəbul edildiyini təsdiqləyib”, – məlumatda deyilir.

Qeyd edək ki, bundan əvvəl Pakistan hakimiyyəti sabiq baş nazir İmran Xanın həbsindən sonra yaranmış iğtişaşlar fonunda genişzolaqlı mobil internetə çıxışı dayandırıb, həmçinin “Twitter” mikrobloqinq xidməti, “YouTube”, həmçinin “Facebook” və “Instagram” sosial şəbəkələrinin fəaliyyətini məhdudlaşdırıb.

Busaat.az