
Pakistanda qatarda yanğın: 7 nəfər öldü
Pakistanın Sind əyalətində sərnişin qatarının vaqonunun yanması nəticəsində baş verən yanğında 7 nəfər ölüb.
Busaat.az xarici mediaya istinadən xəbər verir ki, Pakistanın Sind əyalətinin Xairpur şəhərində Kəraçidən Lahora gedən sərnişin qatarının vaqonu yanıb.
Bu gün səhər saatlarında baş verən yanğında 7 nəfər həyatını itirib. Yanğının baş verdiyi vaqonda olan ən azı 20 nəfərin pəncərələrdən tullanaraq xilas olduğu bildirilib.
Yanğının səbəbi hələ məlum olmasa da, səlahiyyətlilər tərəfindən verilən açıqlamada yanan vaqon çıxarıldıqdan sonra qatarın yoluna davam etdiyi açıqlanıb.
Busaat.az























