Pakistanın Sind əyalətinin bəzi yerlərində yerli seçkilərə etiraz edən rəqib partiya tərəfdarları arasında toqquşma baş verib.
Busaat.az xarici KİV-nə istinadən xəbər verir ki, həftə sonu Kəraçi və Heydərabadda keçirilən yerli seçkilərin nəticələri bəzi partiyaların tərəfdarları tərəfindən etirazla qarşılanıb.
Kimari, Gülşən Hadid və Kayyumabad kimi bölgələrdə Pakistan Ədalət Hərəkatı Partiyası (PTI) və Pakistan Xalq Partiyasının (PPP) tərəfdarları arasında toqquşma baş verib.
Kimari meriyası qarşısında şüarlar səsləndirən rəqib partiya üzvləri, daha sonra bir-birlərinə daş və dəyənək atıblar.
Polis TOMA ilə PPP və PTI tərəfdarlarına müdaxilə edib. Hadisələrdə 2-si jurnalist olmaqla çoxlu sayda insan yaralanıb.
Camaat-ı İslam Partiyasının tərəfdarları da seçkilərdə manipulyasiya əsası ilə Gülşen-i Hədid bölgəsində nümayiş keçirib. Etirazçılar yolları bağlayaraq nəqliyyatın hərəkətini dayandırıb.
