Papa Fransisk istefa verir?: “Məktub hazırdır”

Katoliklərin ruhani lideri və Vatikanın prezidenti Papa Fransisk səhhətindəki problemlərə görə vəzifəsini yerinə yetirə bilməməsi halında 9 ildir istefa məktubunun hazır olduğunu bildirib.

Busaat.az xəbər verir ki, İspaniyanın ABC qəzetinə müsahibə verən Papa Fransisk qeyd edib:

“İstefa ərizəmi yazdım və Vatikanın keçmiş Dövlət Katibi (Baş nazir) kardinal Tarcisio Bertoneyə verdim və dedim ki, əgər tibbi səbəblərdən və ya başqa səbəblərdən problem yaşasam indidən istefa verirəm. Keçmiş baş nazirin bu məktubu kimə verdiyini bilmirəm, amma əminəm ki, onu yeni dövlət katibi Pietro Parolinə verib”.

“Sizdən sonra gələcək Papaya nə deyərdiniz?” sualına Papa Fransisk belə cavab verib: “Onlara deyərdim ki, mənim etdiyim səhvləri etməsinlər. Başqa heç nə”.

Busaat.az