Parisdə qorxulu PARTLAYIŞ: YARALILAR VAR
Fransanın paytaxtı Parisdə qaz sızması səbəbindən baş verən partlayışda 16 nəfər yaralanıb, bir bina uçub.
Busaat.az xəbər verir ki, bu barədə Parisin 5-ci rayon merinin müavini Eduard Sivel Twitter hesabında məlumat paylaşıb.
Bir çox mənzildə yanğın olduğunu bildirən Sivel yanğınsöndürənlərin müdaxilə edə bilməsi üçün əhalini hadisə yerindən uzaq durmağa çağırıb.
Fransanın daxili işlər naziri Gerald Darmanin də Tvitter hesabında paylaşdığı açıqlamada yanğının bölgədəki Saint-Jacques küçəsində davam etdiyini və yanğınsöndürənlərin hadisə yerinə göndərildiyini bildirib.
Fransa mətbuatında yer alan xəbərə görə, hadisə nəticəsində ən azı 16 nəfər yaralanıb, bir bina isə dağılıb.
Paris meri Ann Hidalqo da hadisə yerinə gedib. Paris Prokurorluğu partlayışın səbəbləri barədə hələ dəqiq məlumatın olmadığını bildirib.
Busaat.az
