Parisin Rusiyanın Çindən asılı olması ilə bağlı iddiaları qəbuledilməzdir - Kreml

Moskva  Parisin bu yaxınlarda Rusiyanın Çindən qondarma vassal asılılıq vəziyyətində olması ilə bağlı səsləndirdiyi fikri qəti şəkildə təkzib edib.

Busaat.az xəbər verir ki, bu sözləri Kremlin sözcüsü Dmitri Peskov bildirib.

Fransa prezidenti Emmanuel Makronun Rusiyanın guya Ukraynada geosiyasi məğlubiyyətə uğradığı və getdikcə Çindən asılı vəziyyətə düşməsi ilə bağlı son açıqlamasını şərh edən Peskov Moskvanın bu cür bəyanatları qəti şəkildə təkzib etdiyini bildirib.

“Biz bu cür bəyanatlarla qətiyyən razılaşmırıq, çünki Çin Xalq Respublikası ilə münasibətlərimiz strateji xüsusi tərəfdaşlıq xarakteristikasını nümayiş etdirir və bunun heç kimdən asılılıqla əlaqəsi yoxdur”, – Peskov deyib.

O, Rusiya və Çin arasında münasibətlərin qarşılıqlı hörmət və fayda, habelə beynəlxalq məsələlərə ümumi qlobal baxış və hər hansı bir diqtə və müdaxilə cəhdinə sıfır dözümlülük mövqeyi əsasında qurulduğunu qeyd edib.

“Biz  bu bəyanatı tamamilə qəbuledilməz hesab edirik. Bu, bəlkə də baş verənlərin tamamilə yanlış təfsirinin sübutudur”, – o, əlavə edib.

Busaat.az