Paşinyan və Ermənistan parlamentinin deputatları Çexiya Deputatlar Palatasının sədri ilə görüşüb

Ermənistanın baş naziri Nikol Paşinyanın rəhbərlik etdiyi Ermənistan Milli Assambleyasının deputatları Çexiya Deputatlar Palatasının sədri Marketa Pekarova Adamova ilə görüşüb.

Busaat.az xəbər verir ki, bu barədə Ermənistanın hakim Mülki Müqavilə Partiyasının “Facebook” səhifəsində məlumat yerləşdirilib.

“Görüşdə Cənubi Qafqazda baş verən proseslər, Qarabağ münaqişəsi, Laçın yolunun “qanunsuz blokadaya alınması” nəticəsində Qarabağ regionunda yaranmış humanitar böhran, Avropa İttifaqının Ermənistandakı mülki missiyasının fəaliyyəti və digər mövzular öz əksini tapıb”, – deyə məlumatda əlavə olunub.

Qeyd edək ki, Paşinyanın başçılıq etdiyi Ermənistan nümayəndə heyəti cümə axşamı Çexiyaya rəsmi səfərə gedib.

Busaat.az