Pentaqon ABŞ müdafiə şirkətlərinə 9,7 milyard dollar ayırıb

Pentaqon ABŞ Konqresinin ayırdığı 26 milyard dollardan 9,7 milyard dolları silah ehtiyatını artırmaq üçün Amerika müdafiə şirkətlərinə köçürüb.

Busaat.az xəbər verir ki, bu barədə Bloomberg məlumat yayıb.

Agentliyin məlumatına görə, planlaşdırılan 6 milyard dollardan 2,3 milyard dolları Lockheed Martin şirkətinə köçürülüb, vəsait xüsusilə GLMRS sistemi üçün idarə olunan raketlərin istehsalına yönəldiləcək. Lockheed Martin və RTX Corporation arasında birgə müəssisə Javelin raket sistemlərinin təkmilləşdirilməsi üçün 1,9 milyard dollarlıq büdcədən 1,4 milyard dollar əldə edib.

RTX həmçinin “Patriot” zenit-raket sistemləri və “Stinger” hava hücumundan müdafiə sistemləri üçün əvəzedici raketlərin istehsalına görə,  əlavə maliyyə vəsaiti alıb.

Qeyd edək ki, bu günə qədər Pentaqon ABŞ şirkətlərinə Ukraynanın hərbi ehtiyaclarını qarşılamaq üçün, Kiyevə hava hücumundan müdafiə sistemləri və sursat tədarükü üçün 7 milyard dollar ayırıb.

Busaat.az