ABŞ hakimiyyəti NATO-nun “açıq qapı” siyasətinə sadiqdir, lakin onun genişlənməsi ilə bağlı qərar blokun bütün ölkələri tərəfindən qəbul edilməlidir.
Busaat.az xəbər verir ki, bunu ABŞ-ın müdafiə naziri Lloyd Ostin Kiyevin NATO-ya qoşulmaq istəyini şərh edərkən deyib.
“Biz NATO-nun “açıq qapı” siyasətini dəstəkləməyə sadiqik, lakin bunun necə davam edəcəyi 30 (NATO) ölkəsi arasında qərarlaşdırılmalıdır. Bu işə gələcəkdə baxılacaq” – deyə, Ostin qeyd edib.
“Lakin hazırda biz Ukraynanın uğur qazanması üçün əlimizdən gələni edirik. Ukrayna qüvvələri tərəfindən əldə edilən uğurları görürük” – deyə, ABŞ-ın müdafiə naziri vurğulayıb.
Qeyd edək ki, cümə günü Ukrayna prezidenti Vladimir Zelenski ölkənin NATO-ya sürətli şəkildə üzv olması barədə qərar imzalayıb. NATO-nun baş katibi Yens Stoltenberq jurnalistlərin alyansın həmin qərara baxmağa hazır olub-olmaması ilə bağlı sualına cavab verməyib. Rusiya Təhlükəsizlik Şurasının sədr müavini Dmitri Medvedev isə, Kiyevin bu qərarını şərrh edərkən, təklifi “Üçüncü Dünya Müharibəsinin başlanmasını sürətləndirmək” cəhdi kimi qəbul etdiklərini bildirib.
Busaat.az
