“Ostin Stoltenberqlə NATO-nun Müdafiə nazirləri toplantısında qəbul edilmiş qərarları nəzərdən keçirmək və bir sıra transatlantik təhlükəsizlik mövzularını müzakirə etmək üçün danışıb”.
Busaat.az xəbər verir ki, bu barədə Pentaqonun mətbuat katibi, briqada generalı Patrik Rayder məlumat yayıb.
“ABŞ Müdafiə naziri və NATO-nun Baş katibi NATO-nun bu ay üçün Müdafiə Nazirliyində qəbul edilmiş qərarlarını nəzərdən keçirmək və bir sıra transatlantik təhlükəsizlik mövzularını müzakirə etmək üçün danışıb. Onlar həmçinin, Rusiya ilə diplomatik əlaqələri, Rusiyanın Ukraynanın öz torpağında çirkli bombadan istifadə etməyə hazırlaşdığına dair saxta ittihamını və Rusiyanın gərginliyi azaltmasının zəruriliyini müzakirə ediblər. Ostin və Stoltenberq həmçinin güclü çəkindirmə və müdafiə qabiliyyətinin artırılmasının vacibliyi barədə razılığa gəliblər” –deyə, məlumatda qeyd olunub.
Xatırladaq ki, Pentaqon rəhbəri Ostin keçən həftə iki dəfə Rusiyanın Müdafiə naziri Serqey Şoyqu ilə danışıb.
