Pentaqonun və ABŞ kəşfiyyatının internetə sızan məxfi sənədlərinə görə ABŞ-nin Volodimir Zelenskiyə qarşı casusluq etdiyi bildirilib.
Busaat.az xəbər verir ki, bu barədə CNN məlumat yayıb.
Telekanal bildirib ki, Zelenskiyə yaxın mənbə vəziyyəti “təəccüblü deyil” kimi xarakterizə etsə də, Ukrayna rəsmiləri sızıntıdan məyusdur.
Məlumata görə, fevralın sonunda Zelenski pilotsuz təyyarələrdən istifadə edərək Rostov vilayətində Rusiyanın yerləşdiyi yerlərə zərbə endirməyi təklif edib. Vaşinqton ehtiyat edir ki, Ukrayna Rusiya daxilində zərbələr üçün uzaqmənzilli raketlərdən istifadə edəcək və buna görə də ABŞ Kiyevə belə silah göndərmək istəmir.
Bloomberg bildirib ki, bu hadisə onillikdə ən böyük sızmalardan biri ola, ABŞ-nin Kiyevə dəstəyini çətinləşdirə bilər. Agentliyin məlumatına görə, internetdə geniş şəkildə paylaşılan sənədlərin indi silinməsi və ya gizlədilməsi ehtimalı çox azdır.
Bundan əvvəl, Pentaqonun mətbuat katibinin müavini Sabrina Sinq qeyd etmişdi ki, ABŞ Müdafiə Nazirliyi məxfi olduğu iddia edilən sənədlərin etibarlılığını qiymətləndirir. Sinq bildirib ki, Vaşinqton sənədlərin ABŞ-nin milli təhlükəsizliyinə və ölkənin müttəfiqləri və tərəfdaşlarına təsiri məsələlərini idarələrarası səy vasitəsilə qiymətləndirir.
Reuters-in məlumatına görə isə, yayılan sənədlərin təsdiqi ola bilər. Sənədlər ABŞ və NATO-nun əks-hücumdan əvvəl Ukrayna qüvvələrini artırmaq planlarını ortaya çıxarır. Silahların tədarükü qrafikləri, qoşunların və batalyonların sayı barədə məlumatları açıqlayan bir sıra materiallar “Twitter” və “Telegram”da yerləşdirilib.
Busaat.az
